តាម រយៈបទចម្រៀង “Miniskirt” បានធ្វើឲ្យក្រុមចម្រៀងថ្មី AOA ចាប់ផ្ដើមមានការទទួលស្គាល់ច្រើនទាំងនៅប្រទេសកូរ៉េ និងនៅ បណ្ដាប្រទេសផ្សេងៗជាច្រើនទៀត។ ជឿជាក់ថាប្រិយមិត្តរបស់ Sabay ជាច្រើនក៏បានស្គាល់ និងដឹងព័ត៌មានខ្លះៗពីក្រុមចម្រៀងនេះដែរ។ ចុះប្រិយមិត្តបានស្គាល់សមាជិកនីមួយៗក្នុងក្រុមចម្រៀងនេះប៉ុណ្ណា ដែរ? ថ្ងៃនេះ Sabay នឹងលើកយកជីវប្រវត្តិខ្លីៗ របស់សមាជិកក្រុម AOA សម្រាប់ប្រិយមិត្តបានស្គាល់ទាំងអស់គ្នា។
សមាជិកទាំង៧នាក់
ក្រុម
ចម្រៀងនារី AOA ត្រូវបានបង្កើតឡើងដោយផលិតកម្ម FNC Entertainment
និងបានចេញអាល់ប៊ុមដំបូងក្នុងឆ្នាំ ២០១២។
ក្រៅពីការច្រៀងនិងការរាំ ក្រុម AOA
មានលក្ខណៈពិសេសប្លែកពីក្រុមចម្រៀងនារីកូរ៉េផ្សេងៗត្រង់ថា
ពួកគេអាចលេងឧបករណ៍ភ្លេងបាន។ សមាជិកទាំង ៧នាក់របស់ក្រុម AOA
មានដូចជា៖
ឈ្មោះក្នុងសិល្បៈ៖ Choa
ថ្ងៃខែឆ្នាំកំណើត៖ ៦ មីនា ១៩៩០
កម្ពស់៖ ១៦០សម
តួនាទី៖ អ្នកច្រៀងនាំមុខ, អ្នកលេងហ្គីតា, អ្នករាំ
ផ្សេងៗ៖ នាងតែងស្រមៃចង់ក្លាយជាអ្នកចម្រៀងតាំងពីនៅក្មេង បើទោះបីជានេះប្រឆាំងនឹងបំណងឪពុកម្ដាយនាងក៏ដោយ។ នាងធ្លាប់ចូលច្រៀងសាកល្បង ហើយធ្លាក់ជាច្រើនលើកច្រើនសារក៏ប៉ុន្តែនាងមិនដែលបោះបង់ក្ដី ស្រមៃនេះឡើយ។ នាងបានចូលផលិតកម្ម FNC ដោយសារការណែនាំពីតារាចម្រៀង JUNIEL។ នាងចាប់ផ្ដើមលេងហ្គីតារយៈពេល ៣ឆ្នាំមុននឹងចូលក្រុម AOA។
ឈ្មោះក្នុងសិល្បៈ៖ Jimin
ថ្ងៃខែឆ្នាំកំណើត៖ ៨ មករា ១៩៩១
កម្ពស់៖ ១៦០សម
តួនាទី៖ ប្រធានក្រុម, អ្នកលេងហ្គីតា, អ្នករ៉េប, អ្នករាំ
ផ្សេងៗ៖ នាងមានចំណាប់អារម្មណ៍លើវិស័យសិល្បៈតាំងពីនៅក្មេង និងធ្លាប់បានរៀនលេងឧបករណ៍តន្ត្រីដូចជា ហ្គីតា, harmonica, និងព្យ៉ាណូ។ នាងក៏ធ្លាប់បាននិពន្ធបទចម្រៀងខ្លះៗដែរ។
ឈ្មោះក្នុងសិល្បៈ៖ Yuna
ថ្ងៃខែឆ្នាំកំណើត៖ ៣០ ធ្នូ ១៩៩២
កម្ពស់៖ ១៦៣សម
តួនាទី៖ អ្នកច្រៀងនាំមុខ, អ្នកចុចព្យ៉ាណូ, អ្នករាំ
ផ្សេងៗ៖ នាងចាប់ផ្ដើមលេងព្យ៉ាណូតាំងពីអាយុ ៧ឆ្នាំ។ នាងបានចេញពីខេត្ត Busan មករស់នៅជាមួយនឹងលោកពូ នៅទីក្រុងសេអ៊ូល ដើម្បីរៀនសិល្បៈ។
ឈ្មោះក្នុងសិល្បៈ៖ Youkyoung
ថ្ងៃខែឆ្នាំកំណើត៖ ១៥ មីនា ១៩៩៣
កម្ពស់៖ ១៦៧សម
តួនាទី៖ អ្នកវាយស្គរ
ផ្សេងៗ៖ នាងគឺជាអតីតអ្នកវាយស្គរក្នុងក្រុម Sponge Band។ នាងចាប់ផ្ដើមរៀនវាយស្គរតាំងពីនៅរៀនថ្នាក់ទី ៧។
ថ្ងៃខែឆ្នាំកំណើត៖ ១០ សីហា ១៩៩៣
កម្ពស់៖ ១៧០សម
តួនាទី៖ អ្នកច្រៀងនាំមុខ, ស្រីស្អាតក្នុងក្រុម, អ្នករាំ
ផ្សេងៗ៖ នាងធ្លាប់សម្ដែងក្នុងរឿងភាគ “A Gentleman’s Dignity” របស់ទូរទស្សន៍ SBS មុននឹងចូលក្រុម AOA។ នាងមានចរិតអៀនខ្មាសបំផុតកាលពីនៅក្មេង ក៏ប៉ុន្តែនាងចាប់ផ្ដើមមានជំនឿលើខ្លួនឯងបន្ទាប់ពីក្លាយជាតារា ម៉ូដែលប្រចាំសាលា។ នាងស្រឡាញ់បុរសដែលចេះកំប្លែង និងផ្អែមល្ហែម។
ឈ្មោះក្នុងសិល្បៈ៖ Mina
ថ្ងៃខែឆ្នាំកំណើត៖ ២១ កញ្កញ្ញា ១៩៩៣
កម្ពស់៖ ១៦០សម
តួនាទី៖ អ្នកច្រៀង, អ្នកលេងហ្គីតាបាស, អ្នករាំ
ផ្សេងៗ៖ នាងចូលច្រៀងសាកនៅផលិតកម្ម FNC តាំងពីឆ្នាំ ២០០៩។ នាងចាប់ផ្ដើមលេងហ្គីតាបាស ៣ឆ្នាំមុនចូលក្រុម។
ឈ្មោះក្នុងសិល្បៈ៖ Seohyun
ថ្ងៃខែឆ្នាំកំណើត៖ ៣ មករា ១៩៩៥
កម្ពស់៖ ១៦៧សម
តួនាទី៖ អ្នករាំនាំមុខ
ផ្សេងៗ៖ នាងគឺជាតួស្រីក្នុងបទចម្រៀង “Severely” របស់ក្រុម FT Island។ តាមការណែនាំរបស់មិត្តភក្តិ នាងបានចូលរួម និងឈ្នះក្នុងកម្មវិធីប្រកួតដើរម៉ូដ Smart Uniform ហើយក៏បានជួបនឹងអ្នកគ្រប់គ្រងនៅផលិតកម្ម FNC។
ឈ្មោះក្នុងសិល្បៈ៖ Chanmi
ថ្ងៃខែឆ្នាំកំណើត៖ ១៩ មិថុនា ១៩៩៦
កម្ពស់៖ ១៦៦សម
តួនាទី៖ អ្នករាំនាំមុខ, អ្នករ៉េប, អ្នកច្រៀង
ផ្សេងៗ៖ កាលពីនៅតូចនាងគឺជាក្មេងដ៏រវៀសរវៃ ដូច្នេះម្ដាយនាងក៏ឲ្យនាងចូលរៀននៅសាលាហាត់រាំ ហើយនាងក៏ចាប់ផ្ដើមស្រឡាញ់សិល្បៈតាំងពីពេលនោះ។
No comments:
Post a Comment